ԸՆՏՐՈՒՄ ԵՆՔ ՍՊԱՍՔԱՊԱՀԱՐԱՆ ՓՈՔՐ ՃԱՇԱՍԵՆՅԱԿԻ ՀԱՄԱՐ
Ժամանակակից ինտերիերում ամբողջ պատով տարածվող հսկայական սպասքապահարանները հետզհետե դառնում են ոչ ակտուալ։ Իսկ փոքր ճաշասենյակների դեպքում միշտ ստիպված ենք «հաշվի նստել» սպասքապահարանի հետ, քանի որ այն մեր սենյակում զգալի տեղ է զբաղեցնում։
Ինչի՞ն ուշադրություն դարձնել փոքր ճաշասենյակի սպասքապահարան ընտրելիս․
Չափերին
Սպասքապահարան ընտրելիս կարևոր է նախ պատկերացնել մեր ինտերիերի չափերը։ Փոքր ճաշասենյակում մեծ, ամբողջ պատով ձգվող և տարածվող սպասքապահարանը կարող է և՛ վիզուալ, և՛ իրականում փոքրացնել սենյակը։ Ուստի ինտերիեր դիզայներները և կահույքագործներն առաջարկում են ապակյա ցուցափեղկերով ավելի հավաք և փոքր պահարաններ՝ վիտրինաներ, որոնցում կարող ենք ցուցադրել ներկայանալի սպասքը։
Դռներին
Փոքր ճաշասենյակների համար նախընտրելի տարբերակ են սահող դռներով ցածր սպասքապահարանները՝ կոմոդները։ Նախ, դրանք կարող են ծառայել նաև որպես սեղանիկ՝ ծաղիկամանի և այլ առարկաների համար, և երկրորդը՝ սահող դռները զգալի կկրճատեն սենյակում օգտագործվող տարածությունը։
Ոտքերին
Անմիջապես հատակին կանգնող պահարանը, չնայած, որ ավելի հուսալի և ամուր տեսք ունի, կարող է «ծանրացնել» սենյակի տեսքը։ Մինչդեռ ոտքերի վրա կանգնող սպասքապահարանը ոչ միայն թեթև, ընդարձակ տպավորություն է ստեղծում սենյակի համար, այլ նաև հեշտացնում է մաքրելու գործընթացը։
Գույնին
Փոքր ճաշասենյակներում կահույքի գույնը կարող է որոշիչ լինել ընդհանուր միջավայրի տրամադրության համար։
Մուգ դարչնագույն փայտե կահույքը համարվում է դասական և ճաշասենյակին հաղորդում է հուսալիություն և էլեգանտություն։ Սակայն երբ ճաշասենյակը փոքր է, կահույքի, այդ թվում նաև սպասքապահարանի մուգ գույները կարող են ճնշող լինել և վիզուալ ավելի փոքրացնել ձեր՝ առանց այն էլ փոքր ճաշասենյակը։ Ուստի այն կահավորելիս ցանկալի է ընտրություն կատարել հօգուտ ավելի բաց գույների, որոնք ճաշասենյակը կդարձնեն ավելի հարմարավետ, լուսավոր ու ընդարձակ։
Ձեր հարցերն ու մեկնաբանությունները կարող եք ուղարկել մեզ Facebook-ում և Instagram-ում։
ԶԱՐԴԱՍԵՂԱՆԻ ՕՊՏԻՄԱԼ ՉԱՓՍԵՐԸ
Ննջարանում զարդասեղանը միանգամից մի քանի կիրառություն ունի՝ այն և պահոց է հագուստի համար և սեղան նկարների, հարդարման պարագաների և, իհարկե, զարդերի համար:
29 06 2020
