ԽՈՐՀՈՒՐԴՆԵՐ ԲԱԶՄՈՑԻ ՊԱՍՏԱՌ ԸՆՏՐԵԼՈՒ ՀԱՄԱՐ
Բազմոց ընտրելիս սովորաբար ուշադրություն ենք դարձնում դրա ամրությանը, հարմարավետությանը, չափսին, իսկ պաստառի ընտրության հարցում երբեմն բավարարվում ենք նրանով, որ այն լինի դուրեկան և ուշ մաշվող, քանի որ գիտակցում ենք, որ նաև պաստառի որակով է պայմանավորված բազմոցի տեսքը և երկարակեցությունը։ Սակայն ինչպես բազմոցի, այնպես էլ նրա պաստառի ընտրության հարցում նախընտրելի է առաջնդորվել դրանց կիրառման տեղով և նշանակությամբ։
Հետևաբար հարց է առաջանում․ ինչպե՞ս ընտրել բազմոցի ճիշտ պաստառ ըստ դրա կիրառության․
Հանգստի համար ընտրված հյուրասենյակային բազմոցի պաստառն առաջին հերթին պետք է լինի դիմացկուն և ուշ կեղտոտվող, չէ՞ որ մենք սիրում ենք բազմոցին պառկած ֆիլմեր դիտելիս վայելել համեղ պիցցա։ Իսկ ընտանի կենդանիների առկայությունը մեկ այլ մարտահրավեր է բազմոցի պաստառների համար։
Հետևաբար մեր բազմոցի պաստառը պետք է ապահովագրել պիցցայի և կենդանիների տված վնասներից ոչ միայն ուշադիր և կոկիկ լինելով, այլ նաև՝ նախապատվությունը տալով հեշտ լվացվող, ձիգ, բնական կամ սինթետիկ մանրաթելային գործվածքներին (օրինակ՝ շենիլ) կամ ֆլոկին և վելյուրին։ Վերջին երկուսի դեմ հատկապես կենդանիները անզոր են։
Հյուրասենյակային բազմոցի պաստառի տարածված տարբերակ է նաև կաշին, որն անշուշտ, շքեղ և էլեգանտ տեսք է հաղորդում կահույքին, բայց և աչքի է ընկնում խնամքի բարդությամբ։ Թե ինչպես խնամել կաշվե կահույքը, մենք անդրադարձել ենք մեր նախորդ հրապարակման մեջ։
Քնի համար նախատեսված բազմոցի պաստառը նախ և առաջ պետք է ապահովի առողջ և հանգիստ քունը։ Իսկ դրա համար կարևոր է ոչ միայն պաստառի տեքստուրան, այլ նաև բաղադրությունը։ Քնի ընթացքում մեր մարմինը անպաշտպան է էկոլոգիապես ոչ մաքուր նյութերի նկատամբ, ուստի բազմոց-մահճակալի պաստառ ընտրելիս ցանկալի է նախապատվությունը տալ կամ բնական կաշվին կամ էլ օրինակ՝ ռոգոժկա կոչվող գործվածքին։ Վերջինս հիպոալերգեն է և չի պահանջում առանձնակի խնամք։
Մանկական բազմոցների պաստառների դեպքում շուտ չկեղտոտվելու հատկությունը, թերևս, առաջին առավելությունը պետք է լինի, քանի որ մեր փոքրիկները սիրում են իմպրովիզներ անել ներկերի ու ուտելիքի հետ կամ էլ կոշիկներով բարձրանալ կահույքի վրա։ Ուստի մանկական բազմոցների կահույքի համար նպատակահարմար են ալկանտարա (արհեստական զամշ) և շենիլ տեսակի գործվածքների կիրառումը, որոնք դիմացկուն են և հեշտ են մաքրվում։
Խոհանոցային բազմոցների պաստառները ևս պետք է լինեն հեշտ լվացվող և որ ամենակարևորն է, չկլանեն տհաճ հոտերը։ Այդ պատճառով նախընտրելի են շինիլ կամ ռոգոժկա տեսակի գործվածքները, որոնց վերը թվարկված առավելություններից բացի, բնորոշ է նաև երկարակեցությունը։
Ձեր հարցերն ու մեկնաբանությունները կարող եք ուղարկել մեզ Facebook-ում և Instagram-ում։
ԻՆՉՊԵՍ ԸՆՏՐԵԼ ԲԱԶՄՈՑ-ՄԱՀՃԱԿԱԼ
Բազմոց-մահճակալների շահագործման ձևը ենթադրում է, որ դրանց երկարակեցությունը պայմանավորված է տրանսֆորմացիայի մեխանիզմի հուսալիությամբ և որակյալ հումքով։
21 12 2020
