Որոնք են մինի բազմոցի 6 առավելությունները

Առաջին հայացքից մինի բազմոցը գուցե թվա ոչ ֆունկցիոնալ կամ ոչ հարմարավետ։ Բայց այս կոմպակտ կահույքի մեջ թաքնված հնարավորությունները մեծ են և անչափ կարևոր։ Մինի բազմոցը կարող է դառնալ և՛ տարածք խնայող լուծում, և՛ ոճային շեշտադրում, և՛ լիարժեք հանգստի անկյուն՝ կախված նրանից, թե ինչպես և որտեղ ենք  այն օգտագործում։

Դիտարկենք, թե որ դեպքերում է մինի բազմոցն իդեալական ընտրություն։

1. Տարածքի խնայողություն

Ինտերիեր դիզայնից ամենաչնչին գիտելիքներ ունեցող մարդն անգամ գիտի, որ փոքր ինտերիերում մեծ բազմոցը նույնքան սխալ է, որքան ընդարձակ ինտերիերում՝ փոքրը։ Եվ այսպիսի դեպքերում մինի բազմոցն ունի հստակ հասցե՝ փոքր ինտերիեր։ Մինի բազմոցը թույլ կտա կահավորել տարածքը առանց նեղության զգացողության՝ տարածություն թողնելով նաև սենյակի մնացած կահույքի և վերջապես անցուդարձի համար։ 

2. Ֆունկցիոնալություն

Մինի բազմոցների որոշ մոդելներ ստեղծված են կոմպատկություն = ֆունկցիոնալություն սկզբունքով։ Դրանք կարող են լինել բացվող՝ վերածվելով մեկ տեղանոց մահճակալի, կամ ներքին պահոցով՝ թույլ տալով պահել անկողնային պարագաներ, հագուստ կամ այլ իրեր։ Այս տարբերակները հատկապես հարմար են փոքր բնակարանների, հյուրասենյակների, նույնիսկ աշխատասենյակների համար։

3. Մատչելի արժեք, որը չի զիջում որակով

Իր փոքր չափսերի շնորհիվ մինի բազմոցը ավելի մատչելի է, քան ստանդարտ մոդելները։ Սակայն սա չի նշանակում, որ այն զիջում է որակով։ Հաճախ դրանք պատրաստվում են նույն դիմացկուն նյութերից, ունեն նույն ամուր կառուցվածքը և արտադրվում են ժամանակակից դիզայնով։ Վստահելի խանութներից գնման դեպքում մինի բազմոցը դառնում է շահավետ ներդրում՝ երկարաժամկետ օգտագործման համար։

4. Հարմար կահույք մանկական սենյակների համար

Երեխաների սենյակում յուրաքանչյուր մետրն ունի նշանակություն։ Մինի բազմոցը կարող է դառնալ երեխայի սիրելի անկյունը՝ գրքեր կարդալու, խաղալու կամ պարզապես հանգստանալու համար։ Այն չի խանգարում խաղային գոտուն կամ դասապատրաստման սեղանին և կարող է ավելացնել գունեղություն ու ջերմություն սենյակի ընդհանուր մթնոլորտին։

5. Հեշտ տեղափոխում և տեղադրում

Մինի բազմոցը բավականին թեթև է, և այն կարելի է տեղաշարժել անգամ մեկ մարդու կողմից՝ առանց լրացուցիչ օգնության կամ բարդ աշխատանքների։ Սա այն մարդկանց համար է, ովքեր հաճախ են տեղափոխվում կամ պարզապես սիրում են ժամանակ առ ժամանակ թարմացնել սենյակի դասավորությունը։ Բազմոցը կարելի է արագ տեղափոխել հյուրասենյակից ննջասենյակ, աշխատասենյակից՝ պատշգամբ։ 

6. Հարմար և գործնական լրացում աշխատասենյակի համար

Մինի բազմոցը կարող է ներդաշնակ կերպով ինտեգրվել աշխատասենյակի միջավայրում՝ որպես հանգստի անկյուն։ Ճիշտ ընտրված դիզայնով մինի բազմոցը կարող է նաև գունային հետաքրքիր շեշտադրում ավելացնել աշխատասենյակում՝ կոտրելով գործնական ոճը։

Մինի բազմոցների լայն տեսականի կարող եք գտնել Shkaff կահույքի խանութ-սրահներում։