ԻՆՉ Է ԽՈՀԱՆՈՑԱՅԻՆ ԿՂԶԻՆ

Խոհանոցային կղզին հիմնական կահույքից անկախ կոմպակտ կահույքի մաս է, որը սովորաբար տեղադրվում է խոհանոցի մեջտեղում: Կղզի անունը ստացել է հիմնական կահույքից առանձին լինելու և սենյակի մեջտեղում դրվելու պատճառով: Այն խոհանոցում հավելյալ աշխատանքային տարածք է ապահովում, ինչպես նաև օգտագործվում որպես ճաշասեղան: Խոհանոցային կահույքի շուկայում կարող եք հանդիպել կղզու տարբեր տարբերակներ, օրինակ՝ լվացարանով, գազի կամ էլեկտրական պլիտայով, դարակներով: Այսպիսի տարբերակների դեպքում այն լիարժեք ճաշասեղան չի կարող լինել, բայց մակերեսը սնվելու համար երբեմն կարող եք հարմարեցնել:

Խոհանոցային կղզին շատ հարմար և օգտակար ձև է տարածքի կազմակերպման համար: Թեև կահույքի այս մասը հիմնականում համարում են ընդարձակ խոհանոցնի առավելություններից, սակայն միջին խոհանոցների դեպքում ճիշտ չափագրում անելով կարող եք նույնպես ունենալ կղզի:

Խոհանոցային կղզին օգնում է սենյակում ստեղծել աշխատանքային եռանկյունի, այսինքն՝ բոոր պետքական սարքավորումները և պարագաները ձեռքի հեռավորության վրա են լինում:

Որն է խոհանոցային կղզու հարմարությունը

Ինչպես գիտեք, խոհանոցում ցանկացած սարք կամ կահույքի մաս հստակ գործառույթ ունի և որոշակի ծանրաբեռնվածություն է կրում: Իսկ խոհանոցային կղզին հարմար է հատկապես այն տարածքների համար, որտեղ հյուրասենյակը, ճաշասենյակը և խոհանոցը միասին են: Բացի այդ, այն տարածքները ֆունկցիոնալ առումով առանձնացնում է, այլ կերպ ասած՝ գոտիների է բաժանում տարածքը:

Որքան տարածք է հարկավոր խոհանոցային կղզի ունենալու համար

Իհարկե, որքան ընդարձակ լինի տարածքը, այնքան ավելի հարմար կլինի այնտեղ խոհանոցային կահույք ունենալը: Բայց ամեն դեպքում հիշեք, որ գոյություն ունեն որոշակի սահմանափակումներ: Մասնագետները խորհուրդ են տալիս խոհանոցային կղզի ունենալ, եթե տարածքը փոքր չէ 15քմ-ից: Պետք է հիշել, որ պահարաններից մինչև կղզին պետք է 100սմ հեռավորություն լինի: Հակառակ դեպքում  շարժման հարմարությունը կկորչի և տարածքում դուք ձեզ սահմանափակ կզգաք: Վերոնշյալ չափից փոքր խոհանոցի դեպքում խորհուրդ են տրվում փոքրիկ անիվների վրա պատրաստվող շարժական տարբերակները:

Խոհանոցային կղզին ոճային է

Բացի այն, որ կահույքի այս բաղադրիչը ֆունկցիոնալ է, այն նաև բավական գրավիչ տեսք է ունենում խոհանոցում: Տարբեր ձևի, լուսավորության և, իհարկե, օրեգինալ դիզայնը ձեր խոհանոցի այդ հատվածը կդարձնեն հաճելի վայր երեկոյան մեկ բաժակ գինու կամ թեյի շուրջ հավաքվելու համար: 
 

Ձեր հարցերն ու մեկնաբանությունները կարող եք ուղարկել մեզ Facebook-ում և Instagram-ում։